किन भेट्टिरहन्छेउ तिमी!

किन भेट्टिरहन्छेउ तिमी

मैले भुल्न खोजिरहदा पनि 

कहिले मदहोस रातमा भेटिन्छेउ

कहिले त्यो पलाउदै गरेको पातमा भेटिन्छेउ

हो भेटिन्छेउ टल्किरहेको सितमा 

मेरो छायाँ मेरो मितमा 

चलिरहेको बतासमा 

तिम्रो स्पर्श भेटिन्छ

बगिरहेको पानीमा 

तिम्रो सौन्दर्य छल्किन्छ

फेरि दिए सास 

तिम्रो सुगन्ध भेटिन्छ 

चिम्लिदिए नयन 

तिम्रो आकृती भेटिन्छ 

आखिर किन?

किन भेट्टिरहन्छेउ तिमी

मैले भुल्न खोजिरहदा पनि!!