हुक्क बनेको हुलाक!

हुलाक सेवा सूचना तथा सन्देश आदान प्रदानका हिसाबले बिश्वमै अत्यन्तै विस्वासीलो र पुरानो माध्यम मानिन्छ।विश्वका कयौं देशहरुले हुलाक सेवा स्तरउन्नति गर्दै अघि बढेर नाफा आर्जन गरेका छ्न्।दक्षिण एसियाका आठ देशमध्य भुटान र माल्दिभ्स पनि हुलाककै माध्यमबाट नाफा आर्ज न गर्दै छ्न्।तर नेपाल लगाएता देशहरूमा सरकारी विभागको रुपमा सञ्चालित भएपनी हुलाकले घाटा ब्यहोरिहरि रहेको छ।

हजुरबुबा, हजुरआमाले,"उ बेला त अहो,कस्तो भिड हुन्थ्यो हुलाकमा",भन्दा पनि आजभोलि त अचम्म जस्तो लाग्छ। हामी जस्ता २१ औं सताब्दीका मान्छेहरुलाई इमेल र फेस्बुक बाट फुर्सदनै छैन।कतिपय हाम्रो उमेरका मानिसहरुले त हुलाक पनि देखेका छैनन् होला।म स्वयं एक पटक मात्र नगरिकता बनाउदा टिकट किन्न हुलाक पसेको थिए।तर हुलाकी सेवाको स्तर घट्नु भनेको देशको एक सबल अङ्ग पतन हुनु हो।

बढ्दो विस्वब्यापिकरण र मानिसको छिटो छरितो काम गर्न खोज्ने स्वभावका कारण वर्तमानमा हुलाक सेवा पछि परि रहेको छ। च्याउ झैँ उम्रि रहेका कुरियर सर्भिस र सिपिङ कम्पनीहरुले हुलाकले भन्दा विस्वासीलो र छिटो सेवा दिने भएकाले मनिसहरुको पहिलो रोजाईमा हुलाक पर्दैनन।अनलाइन माध्यमबाट पनि चिठी पत्र र अन्य सामान लिने भएकाले हुलाक भन्दा अन्य सेवाको माग धेरै छ।त्यसैले हुलाक सेवालाई प्राविधिको उच्चतम प्रयोग मार्फत विविधिकरण गर्नु अहिलेको टड्कारो आवश्यकता बनेको छ।

विश्वमा हुलाक सेवाको माग धेरै रहेको बेला नेपालमा हुलाक नै बन्द हुने अवस्था पुगिसकेको छ।हुलाकमा अब्बल जनाशक्ती आएपनी सरुवा मिलाएर अन्य सरकारी फाँट्मा (जस्तै:राजस्व) छिर्ने भएकाले हुलाक सेवाको स्तरउन्नती को लागी जनशक्ति टिकाइ राख्नु हुलाक को अर्को ठुलो समस्या हो ।चिठीपत्रको ओसारपसारमा कमी आएपनी हुलाकले अन्य सेवाहरु जस्तै पार्सल सेवा, अन्य देशहरुसँग द्रुत डाँकसेवा सञ्चालनमा ल्याउन सक्नुपर्छ। हुलाक लाई पुनः आफ्नो गतिमा फर्काउन प्राविधि, प्रतिस्पर्धा र विश्वसनियताको माध्यमबाट हुलाक प्रशासन व्यवस्थापन गर्नुपर्छ। हुलाक सेवामा समेत युटिलिटी पेमेन्ट,अनलाइन सेवा, विद्युतिय व्यापार र लजिस्टिक सेवा भित्राएमा छोटो समयमै हुलाकले लामो छलाङ मार्छ भन्नेमा दुई मत छैन।